Gjykata e Kurbinit i ka komunikuar masën e sigurisë “Arrest me burg” në ambientet e spitalit, Eduard Lamajt, i cili është autori i vrasjes së Bujar Likës dhe Paulin Gjergjit të ndodhur nw 30 maj tw kwtij viti nw njw hotel nw aksin rrugor Lacc-Lezhw. Për shkak të gjendjes shëndetësore të Lamajt, vendimi u mor pas seancës gjyqësore të zhvilluar në spitalin e Traumës. Lamaj ka shprehur pendesë për krimin e kryer dhe ka shtuar se qëllimi i tij ka qenë të shkatërronte biznesin dhe jo të vriste Likën e Gjergjin. “Jam penduar, nuk doja t’i vrisja. Qëllimi im ishte të shkatërroja biznesin,”- mësohet të ketë thënë Lamaj. Por, ajo që e bën të veçantë pozitën e tij juridike lidhet me statusin e të penduarit të Drejtësisë, status që i është dhënë sapo ajo tregoi edhe personat e tjerë që morën pjesë në krim. Ai tregoi se kishte patur për bashkëpunëtorë edhe shtetasit Ilir Xhepaj, Elson Alija dhe Klaudio Perkola. Prej 20 ditësh, i riu nga Laçi strehohej në banesën e motrës së tij në kryeqytet. Lamaj u arrestua në momentin që po mjekonte plagën që kishte marrë në këmbë, si pasojë e shkëmbimit të zjarrit të ndodhur më 30 maj në zonën e Laçit.