Ambasadorja e SHBA-së, Yuri Kim ka kërkuar bashkëpunimin e presidentit Ilir Meta dhe kryeparlamentarit Gramoz Ruçi për të ngritur sa më shpejt Gjykatën Kushtetuese. Nëpërmjet një postimi në rrjetet sociale ambasadorja amerikane ka specifikuar se kjo gjykatë duhet të jetë funksionale brenda vitit 2020. "Faleminderit Presidentit Ilir Meta dhe kryetarit Ruçi, që e bëtë të qartë se Shqipëria duhet të ketë një Gjykatë Kushtetuese funksionale tani. Ne jemi dakord! Duke marrë parasysh mendimet e Komisionit të Venecias, këta dy udhëheqës duhet të punojnë urgjentisht me organet përkatëse për ta bërë këtë të ndodhë para fundit të vitit 2020", shkruan Kim.