4 persona, pjesë e një grupi kriminal në fushën e narkotikëve, janë arrestuar nga policia në momentin e shkëmbimit të lëndës narkotike në Shkodër. Policia njofton se në pranga janë vënë Halis, Mustafa, Arjan dhe 72-vjeçari Mehmet Uraj, kushërinj me njëri-tjetrin. Gjatë operacionit të koduar ‘Rrjeta’ forcat policore gjetën dhe sekuestruan në cilësinë e provës materiale: 14 litra vaj hashashi; 65.6 gramë lëndë narkotike në formë çokollate; Një armë gjahu, një sasi fishekësh, një sasi parash, 6 aparate celulare dhe 1 automjet. Ndërkohë vazhdon puna për kapjen e personave të tjerë të përfshirë në këtë aktivitet si bashkëpunëtorë të personave të arrestuar. Dosja me materialet pwrkatwse kali nw prokurorinë e Shkodrws, për veprat penale “Prodhimi dhe shitja e narkotikëve”, “Pastrimi i produkteve të veprës penale” dhe “Prodhimi dhe mbajtja pa leje e armëve të gjuetisë dhe sportive”, thuhet në njoftimin zyrtar të policisë.