I akuzuar si kreu i sulmit terrorist mbi Policinë e Kosovës dhe i shfaqur në video I armatosur së bashku me terroristët e tjerë, Milan Radoiçiç, është një emër I njohur, si për drejtësinë ashtu edhe për botën e biznesit në Serbi e Kosovë. Teksa mban edhe postin e numrit 2 të Listës Serbe, partia më e madhe e serbëve në Kosovës, Radoiçiç është I shpallur në kërkim nga Kosova për vrasjen e politikanit Oliver Ivanoviç, teksa njëherësh është në listën e zezë të SHBA. I lindur në Gjakovë, Radoiçiç në Serbi konsiderohet “mbrojtës” i serbëve të Kosovës, madje edhe nga presidenti i këtij shteti, Aleksandar Vuçiç, edhe pse për organet e drejtësisë në Serbi, emri i tij është i njohur prej vitit 2011. Në atë kohë, kundër tij dhe Zvonko Veselinoviçit, është ngritur aktakuzë në Beograd për përvetësimin e 32 kamionëve të firmës “Hipo Alpe Adria Lizing”. Në atë periudhë ka nisur dialogu Kosovë-Serbi dhe të dy janë liruar nga akuzat në vitin 2016. Radoiçiç vijon biznesin e tij në Serbi si aksioner me 40% në firmën e ndërtimin INKOP, ku ssë fundmi rezulton të ketë blerë edhe kompanitë ndërtimore Novi Pazar - put dhe Betonjerka Aleksinac. INKOP-i zotëron, po ashtu, kompaninë hoteliere DollyBell, e cila ka hotelin Grey në Kopaonik.