Bashkëpunëtori i drejtësisë, Erjon Alibej, ka vijuar këtë të martë me dëshminë e tij në seancën e radhës në kuadër të procesit të bujshëm “Plumbi i Artë”. Teksa ka rrëfyer për vrasjet, Alibej ka treguar se disa armë I kishte blerë tek një hoxhë, dhe se çmimet për to ishin nga 500-1000 deri 3500 euro. ‘Nuk e di fiks se kontaktet me “hoxhen” i kishte Sander Baho’, ka treguar më tej. Alibej ka rrëfyer më tutje se për vrasjen e Dorian Shkozës kishte paguar 100 mijë euro. Sipas dëshmisë, një automjet Toyota i vjedhur, blerë në Shijak, u përdor për atentatin dhe iu dorëzua Dumanit bashkë me armët. Alibej tregoi se për të fituar besimin e Dumanit, i kishte dhënë atij edhe 150 mijë euro.