Gentiana Sula, e cila prej 5 vitesh ka drejtuar Autoritetin për Informim mbi Dosjet e Sigurimit të Shtetit, tashmë është një nga anëtaret e këtij institucioni. Pas votimit në Kuvend, Sula është zyrtarish anëtare e këtij autoritetit. Por kush është Gentiana Sula? CV-ja e saj flet shumë, duket se çdo gjë që e ka nisur e ka kryer në perfeksion. Një gjimnaziste që është vlerësuar me medalje ari për rezultate të larta, diplomimin si biologe natyrisht me rezultate të shkëlqyera, por edhe karrierën e saj intensive në organizata prestigjoze ndërkombëtare duke nisur nga UNICEF, ku ka punuar në krye të projekteve me vendet e Botës së Tretë dhe Ballkanit, Bankën Botërore, gjithashtru për Ballkanin dhe shtetet ish-komuniste etj.