Pakoja kushton 15 mije euro, dhe përfshin një gomone të fryrë, me një motir jashtë dhe 60 xhaketa shpëtimi, për të kaluar përtej Kanalit Anglez, shkruan BBC. Një hetim 5 mujor I medias botërore ka zbuluar, skemën e dy kontrabandistëve me varka të vogla në një qytet të Gjermanisë perëndimore ku jetojnë ose kalojnë shumë emigrantë. Ndërsa qeveria e re e Mbretërisë së Bashkuar premton të "shpartallojë bandat", BBC shkruan se Gjermania është bërë një vend qendror për ruajtjen e anijeve dhe motorëve të përdorur në kalimet e Kanalit, ku kontrabandistët I ruajnë në magazina sekrete. Sipas BBC, fitimet e këtyre kontrabandistëve janë "të jashtëzakonshëm" sepse një i rritur tarifohet rreth 2,000 € për një udhëtim të vetëm. Neil Dalton, Kryetar i Shoqatës Kombëtare të Varkave të Shpëtimit, e ka cilësuar si “kurth vdekjeje", kondrabandimin për kalimin në Britaninë e Madhe, pasi sipas tij gomonia ka një dizajn "jashtëzakonisht i dobët".BBC, shkruan se në muajin shkurt pati një bastisje të madhe ku në Gjermani u sekuestruan varka, motorë, jelek shpëtimi dhe pajisje flotacioni për fëmijë, 19 arrestime. Sakaq, shifrat e OKB-së tregojnë se ky është viti më vdekjeprurës për kalimet e Kanalit të emigrantëve, ndërsa më shumë se 28,000 njerëz deri më tani e kanë bërë udhëtimin me gomone.