Ekzekutimi I Pashko Ujkës në Shkodër ka çuar në arrestimin e dy personave të cilët dyshohen si autorë të krimit. Hetuesit bëjnë me dije se identifikimi I autorit mbetet I vështirë, kjo për faktin se ai ka zhvilluar një plan të mirëmenduar. Sipas informacioneve ai e ka ditur që zona kqyret nga kamerat e sigurisë, ndaj është pajisur me një maskë covid. Në kamerat e sigurisë policia ka zbuluar autorin e ngjarjes edhe pse errësira vështirëson punën e tyre. Dallohet fare qartë veshja e tij me kapele, maskë covidi dhe doreza, por kjo nuk ndihmon në identifikimin e tij. Në vendin e ngjarjes, ku u ekzekutua ish-deputeti Pashko Ujka, grupi hetimor nuk gjeti gëzhojën e armës. Kjo për faktin se dyshohet se e mori atë me vete duke e future në qeskë. Kjo sipas tij për të zhdukur provat nga vendi I ngjarjes, gjë që arriti të bënte mjaft mirë. Kristjan Kelmendi dhe Marjan Kola tashmë janë në burg, ku gjykata I dënoi me burg 30 ditë. Familjarët e Kelmendit janë shprehur se djali I tyre ishte në Kosovë dhe nuk ka gisht në ngjarje, por sipas hetuesve në gishtat e tij kishte gjurmë baruti. Kristian Kelmendi deklaroi se njihej me familjen e Pashko Ujkës dhe kishte patur shoqëri me të birin. Vërtetë ato kishin konflikt për një apartament të marrë me negocim 11 vite më parë por nuk ishte autor i kësaj ngjarje. Ai deklaron se ditën e ngjarjes ndodhej në Kosovë.