Kontrollet doganore në kufi të automjeteve dhe personave të cilët kalojnë me sende me vlerë me vete, sa vijnë e përforcohen akoma më shumë. Të shumta janë rastet ku persona të ndryshëm tentojnë të kalojnë kufirin me një shumë të majme parash, ku në shumicën e rasteve këto shifra nuk janë fare të deklaruara. E pikërisht për këtë policia shpesh herë ngre problemin në lidhje me këto të ardhura, duke bërë që ndaj personit që i poseidon të hapet një hetim. Policia kufitare e Kakavijës ka goditur një tjetër rast të mosdeklarimit të të hollave në kufi. Pas një kontrolli të detajuar të njërës shtetase e cila po udhëtonte në autobsin e linjës Lezhë-Athinë, efektivët konstatuan se në cantën e saj gjendeshin 20.950 euro, para këto të ciliat ishin të padeklarura. Policia kufiatre sekuestroi shumën e parave, ndërsa 45 vjecarja po procedohet penalisht për veprat penale "Mosdeklarimi i të hollave dhe sendeve me vlerë në kufi" dhe "Pastrim i produkteve të veprës penale ose veprimtarisë kriminale".