Rusia dënoi të premten një urdhër ekzekutiv të Presidentit të SHBA Donald Trump për të ndërtuar një ombrellë të re të mbrojtjes raketore, duke akuzuar Shtetet e Bashkuara se po përpiqen të prishin ekuilibrin global bërthamor dhe të hapin rrugën për konfrontim ushtarak në hapësirë. Trump firmosi të hënën një urdhër ekezekutiv që kërkonte fillimin e punës për të ndërtuar një "Kupolë të Hekurt Amerikane", një mburojë e gjeneratës së ardhshme të mbrojtjes raketore të SHBA kundër raketave balistike, hipersonike, të lundrimit dhe formave të tjera të sulmit ajror. Shtëpia e Bardhë tha se qëllimi ishte të modernizonte një sistem të vjetëruar dhe të adresonte një "kërcënim katastrofik" që ishte bërë më kompleks pasi kundërshtarët e SHBA-së zhvilluan sisteme të reja. Por zëdhënësja e Ministrisë së Jashtme ruse Maria Zakharova tha se plani kishte për qëllim minimin e aftësisë së Rusisë dhe Kinës për të ushtruar kapacitetin e tyre të parandalimin bërthamor. Në kritikën më të ashpër ruse deri më tani për një politikë të shpallur nga administrata e re e Trump, ajo tha se masa e planifikuar e SHBA do të pengonte perspektivat për bisedime mbi kontrollin e armëve bërthamore, diçka që si Trump ashtu edhe presidenti rus Vladimir Putin kanë thënë se e mbështesin.