Ambasada e Katarit në Tiranë zhvilloi mbrëmjen e së martës, një pritje festive me rastin e Festës Kombëtare të Shtetit të Katarit. Në ceremoni morën pjesë krerë dhe drejtues të lartë të Shqipërisë, si Presidenti i Republikës, Kryebashkiaku i Tiranës, krerët e përfaqësive diplomatike të akredituar në vend, si dhe shumë figura zyrtare e politike dhe përfaqësues të biznesit, medias artit etj. Gjatë fjalës së tij me këtë rast, Ambasadori i Shtetit të Katarit në Shqipëri Ali bin Hamad Al Marri, tha se kremtimi i festës kombëtare nën moton "Uniteti Ynë Është Burimi i Forcës Sonë" vjen në përkujtim të themeluesit Sheikh Jassim bin Mohammed bin Thani, i cili krijoi themelet e shtetit modern të Katarit. Sipas tij kjo shprehje mishërohet praktikisht nga fakti se Botërori i Katarit 2022 bashkoi njerëzit dhe ndjenjat dhe konfirmoi se bota mund të unifikohet për të përballuar sfidat e mëdha aktuale dhe të ardhshme që na kanosen të gjithëve.