Nga qelia e burgut, ish-kryebashkiaku i Lushnjes Fatos Tushe ka ankimuar vendimin e kryeministrit Edi Rama për ta shkarkuar atë nga detyra. Mësohet se Fatos Tushe ka shfrytëzuar të gjithë hapësirën ligjore për t'iu drejtuar nëpërmjet avokatit të tij në Gjykatën Kushtetuese. Gjykata Kushtetuese e ka pranuar kërkesën dhe ka vendosur ta shqyrtojë më datë 21 dhjetor. “Shfuqizimi si antikushtetues i vendimit të Këshillit të Ministrave nr.407, datë 6 korrik 2021 Për shkarkimin nga detyra të Kryetarit të Bashkisë Lushnje, z. Fatos Tushe”,thuhet në agjendën e këtij institucioni.