Qeveria ka shpallur luftën ndaj informalitetit si një nga përparësitë e saj, ndërsa poashtu ka paralajmëruar çdo kompani dhe individ për pasoja ligjore dhe ekonomike në rast të mos deklarimit të punonjësve apo për fshehjen e pagave. Së fundmi Ministria e Financave ka propozuar ndryshime në ligjin mbi mosdeklarimin e punonjësve për penalitetet e parashikuar. Për sa më sipër, në nenin 1 të projekt aktit, propozohet ndryshim në pikën 3 të nenit 119 “Mosdeklarimi i punonjësve dhe fshehja e pagës”. Rregullimi ligjor aktual parashikon se tatimpaguesi në rast të fshehjes apo mosdeklarimit të pagës së saktë të përfituar nga punëmarrësi si rezultat i marrëdhënies së punësimit , përvec detyrimit për pagimin e shumës së detyrimit tatimor dhe kontributeve të sigurimeve shoqërore, dënohet me gjobë në masën 100 përqind të detyrimit dhe kontributit të llogaritur. Ndërkohë me ndryshimin e propozuar, penaliteti shkon në 200 % të detyrimit dhe kontributit të llogaritur.