Çela: “Nëse e kemi me urgjencë për ta bërë është histori tjetër. Cili është kodi më i mirë që ka Europa? E marrim e përkthejmë, pse do lodhemi ne.” Prokurori i Përgjithshëm, Olsian Çela kritikoi jo vetëm hartimin e kodit të ri penal, por edhe tryezat konsultative që e pasuan, të cilat i konsideron thjesht formale dhe jo substanciale. Sipas Çelës, procesi i integrimit nuk justifikon urgjencën dhe procesin e ndjekur për tjetërsimin e kodit penal. Çela: “Dy janë argumentet që kodi është i ’95, që nuk është argument sepse ka kode të vjetra që funksionojnë më së miri. Dhe tjetra integrimi evropian. Ne i kemi azhornuar kodet sipas nevojave të integrimit. Për mua deri tani ka pasur për risistemin për dispozitave të Kodit dhe përmirësim aty ku është e mundur, por të ndryshosh bazat nuk është e lehtë. Kodet i bëjnë profesorët pasi dëgjojnë nevojat e praktikantëve dhe shikojnë tendencat e shoqërisë, praktikat më të mira botërore. Kjo kërkon kohë dhe kujdes mbi gjithë procesin. Nëse ne mendojmë se duke bërë konsultime publike, duke mbledhur prokurorët e gjyqtarët nga dy orë, ky është proces që justifikon në vetvete se ka pasur konsultim publik. Asnjë prokuror sot nuk ka pasur kohë që për 2 orë t’ju japë opinion për 900 nene.” Kryeprokurori Olsian Çela, vlerësoi se domosdoshëmri për ndërhyrje ka në kodin e procedurës penale.