Monika Kryemadhi përmes mbrojtësit të saj ligjor depozitoi ankim në Apelin e Posaçëm për masën e sigurisë “detyrim paraqitje”, e cila iu vendos nga Gjykata e shkallës së parë. Ndërkohë deputetja e Partisë së Lirisë u paraqit këtë të hënën para oficerit të sigurisë. Ajo akuzohet për Pastrim Parash, mosdeklarim të ardhurash dhe korrupsion. Kryemadhi tha se do të përballet me drejtësinë ndërsa akuzoi SPAK për shkelje të ligjit. “Unë jam një individ dhe politikane që vendos të përballem madhe me padrejtësitë që bëhen. Po bëj mbrojtjen time ligjore, kam konstatuar një sërë shkeljesh ligjore të akuzës. Këto do të kundërshtohen me fakte që do të vërtetojë të kundërtën e asaj që shkruhet. Do të njiheni me të vërtetat e Monika këmbësores dhe satelitëve të gjithësisë” Deputeja u pyet dhe nëse ka pasur apo jo komunikim me ish-bashkëshortin e saj Ilir Meta, që ndodhet në qeli.