Gjykata e Posaçme ka vendosur ta rikthejë sërish në SPAK dosjen për kryebashkiakun e Mallakastrës Qerim Ismailaj. Argumenti I këtyre të fundit është për faktin se ka nevojë për hetime shtesë. Kështu ka rrëzuar kërkesën e Prokurorisë së Përgjithshme për kalim për gjykim të çështjes. Ismailaj kishte fshehur dënimin me 3 vite burg në Greqi, I ndodhur 21 vite më parë. Për këtë, më 1 nëntor ai u mor I pandehur nga GJKKO dhe akuzohet për falsifikim të formularit të dekriminalizimit. Kryebashkiaku I Mallakastrës u denoncua nga Partia Demokratike, teksa ishte letër-porosia e autoriteteve greke ajo e cila zbuloi dënimin e tij në vitin 1999, për dhunë ndaj një personi. Gjykata greke e kishte dënuar në mungesë Ismailajn me 3 vite burgim Ismailajn për veprën penale të “Konfliktit”/ “Përleshjes”, parashikuar nga neni 313 i Kodit Penal të Republikës së Greqisë që në Shqipëri i korrespondon veprës penale “dëmtime të tjera me dashje”, parashikuar nga neni 90/1 të Kodit Penal, e cila parashikon dënim vetëm me gjobë.