“Kroacia do të rivendosë ekuilibrin ushtarak në rajon duke forcuar mbrojtjen e saj”, ka deklaruar ministri kroat I Mbrojtjes Ivan Anušić, teksa I referohej rritjes së kapaciteteve ushtarake të Serbisë. “Kroacia është e vetëdijshme se Serbia prej një dekade po e armatos intensivisht ushtrinë e saj me sisteme sulmuese me aftësi të larta dhe nuk ka hequr dorë nga lloji i retorikës "që përdorte në vitet '90", retorikë që çoi në luftëra të përgjakshme në Slloveni, Kroaci, Bosnjë-Hercegovinë dhe Kosovë,” tha ministri në konferencën ndërkombëtare të industrisë së mbrojtjes në Zadar. Anushiç komentoi gjithashtu mbi raportet e medias se Serbia po blen raketa hipersonike kineze. Ministri kroat shpjegoi se, në përgjigje, Kroacia ishte tashmë në procesin e blerjes së një sistemi raketash me rreze të gjatë veprimi.