Protestat kanë shpërthyer në Siri pas djegies së një peme Krishtlindjesh. Mijëra besimtarë të krishterë e ortodoks kërkuan nga qeveria e re siriane që të mbrojë pakicat dhe të mos i diskriminojë. Një video e postuar në mediat sociale tregoi pemën e Krishtlindjes teksa u përfshi nga zjarri në sheshin kryesor të Suqaylabiyah, një qytet me shumicë të krishterë në Sirinë qendrore. Hayat Tahrir al-Sham, fraksioni kryesor islamik që udhëhoqi kryengritjen dhe që rrëzoi presidentin Bashar al-Assad, tha se arrestoi personat që shkaktuan incidentin. Përfaqësuesit e HTS kanë premtuar të mbrojnë të drejtat dhe liritë e pakicave fetare dhe etnike në Siri. Pamjet në mediat sociale treguan disa burra të maskuar rreth pemës që ishte duke u djegur. Pas ngjarjes shumë protestues dolën në rrugë duke akuzuar autoritetet për zjarvënie. Protesta pati dhe në kryeqytetin e Damask.