Vetëm 5 ditë nga hyrja e vitit të ri, një sërë ngjarjesh të rënda kanë tronditur vendin, duke filluar nga aksidentet rrugore me pasojë vdekejn e deri te atentatet për larje hesapesh. Drejtori i Përgjithshëm i Policisë së Shtetit, Gledis Nano, ka mbledhur në mënyrë urgjente drejtorët e policisë së qarqeve, fill pas atentatit me armë zjarri që tronditi mbaditen e së martes Tiranën ku 1 person mbeti i vdekur e 4 të tjerë të palgosur. Mësohet se nga temat kryesore të diskutuara në këtë takim ishte marrja e masave urgjente lidhur me situatën e rënduar në vend, duke u fokusuar te thellimi i veprimeve hetimore për zbardhjen e tyre dhe vënien e autorëve përpara drejtësisë. Nga ana tjetër, Nano është ndalur te një tjetër temë delikate sic është ajo e kultivimit dhe trafikut të drogës në vend. Ky i fundit më tej, u bëri thirrje të gjithë drejtuesve të policisë së qarqeve që të merren masa në lidhje me automjetet e vjedhura, që po përdoren në masë në atentatet e fundit që janë kryer në Shqipëri.