Krimet kundër mjedisit janë ndër më të rrezikshmit për shoqërinë sot dhe nesër. Policia e Shtetit dhe Inspektoriati Kombëtar i Mbrojtjes së Territorit, që tashmë veprojnë si një strukturë e integruar, kanë filluar një operacion të gjerë në shkallë vendi kundër krimit mjedisor. Gjatë një inspektimi në Lezhë, ministri i brendshëm Sandëer Lleshaj konstatoi se ujërat e zeza derdhen në lumenj, duke shkaktuar një katastrofë mjedisore. Konstatoj me keqardhje që vijat ujore, lumenjtë e vendit tonë pak a shumë janë zgjatime të banjove të qyteteve, banjove të familjeve shqiptare dhe banjo të industrive shqiptare gjë që është krejtësisht e palejueshme, krejtësisht e papranueshme. Do të angazhohemi fort në kuadër të një programi dhe një përpjekje serioze të policisë dhe të IKMT-së, për të ndryshuar rrënjësisht situatën në këtë drejtim. Lleshaj bëri një paralajmërim të fortë për të gjithë ndotësit e mjedisit, duke u kujtuar kodin penal të Republikës së Shqipërisë, por në të njëjtën kohë edhe aktet normative me të cilat punon Inspektoriati Kombëtar i Mbrojtjes së Territorit.