Kremlini tha të hënën se nuk kishte marrë ende ndonjë sinjal nga Shtetet e Bashkuara të Amerikës për organizimin e një takimi të mundshëm midis Presidentit Vladimir Putin dhe Presidentit Donald Trump, por mbetet i gatshëm për të organizuar një takim të tillë. "Deri më tani, ne nuk kemi marrë asnjë sinjal nga amerikanët", tha zëdhënësi i Kremlinit Dmitry Peskov para gazetarëve në një konferencë për shtyp. "Gatishmëria e Rusisë për një takim mbetet dhe e njëjtë, me sa kemi dëgjuar, gjithçka është në dorën e palës amerikane. Me sa duket, kërkohet një kohë e caktuar për të vendosur diçka", tha ai. Putin tha të premten se ai dhe Trump duhet të takohen për të biseduar për luftën në Ukrainë dhe çmimet e energjisë, çështje që presidenti amerikan i ka theksuar në ditët e para të administratës së tij të re. Trump, i cili mori detyrën javën e kaluar, ka thënë gjithashtu se dëshiron të takojë Putinin dhe se do që t'i japë fund luftës, të cilën e ka cilësuar si "qesharake".