Dy javë para zgjedhjeve, është e qartë se çështja e "rrugës evropiane” të Serbisë nuk luan pothuajse asnjë rol në fushatë. Nga ana tjetër, tema e Kosovës është në krye të prioriteteve dhe as autoritetet nuk mund ta shmangin atë, edhe nëse do të dëshironin. Këto dy gjëra janë të lidhura ngushtë mes tyre, thonë analistët për DË. "Regjimi thjesht nuk mund të ndikojë në disa gjëra”, thotë historiani dhe politologu Stefan Radojkoviq. Çështja e Kosovës po merr një hapësirë të madhe në fushatë, kryesisht për shkak se SHBA-ja dhe BE-ja po "ushtrojnë presion” këtë vit përmes marrëveshjeve të paraqitura në Bruksel dhe Ohër, duke thënë hapur se presin një njohje de facto të pavarësisë së Kosovës nga Beogradi, thotë Radojkoviq. "Ata insistuan në planin franko-gjerman, i cili për pasojë u bë shumë i pranishëm në mediat serbe”, thotë ai për DË. "Gjithashtu, qëndrimi i Albin Kurtit ndaj komunitetit serb është i tillë që edhe mediat kryesore në Serbi duhet t'i kushtojnë hapësirë. Sidoqoftë, për shtresën e mesme në serbi, kosova është më pak e rëndësishme se cështjet e jetës së përditshme. Por ndodh që cështja e kosovës, imponohet si më e rëndësishmja. "Prioriteti i votuesit është lufta kundër papunësisë, standardi më i mirë i jetës dhe stabiliteti ekonomik”, thotë Aleksandar Ivkoviq nga Qendra për Politikë Bashkëkohore. "Lufta kundër korrupsionit dhe krimit është në vendin e dytë, ndërsa Kosova në vendin e tretë, nëse atje nuk shpërthen një krizë. Por, në rast krize, rritet interesi për këtë temë”, tha Ivkoviq për gazetën "Blic”. Presidenti serb, Aleksander Vucic, insiston tek cështjet jetike. Ai përmend rrugët, hekurudhat, stadiumet, vendet e punës dhe pagat. Por nuk harrohet në asnjë moment mbrojtja e integritetit territorial, sic thotë vucic, që nuk heziton të përsërisë se nuk do ta pranojë kurrë pavarësinë e kosovës. Në anën tjetër, partitë politike serbe e dinë se BE nuk është një temë që sjell pikë në fushatë. Vec të tjerash, tani politikanët kryesorë të BE-së po kërkojnë hapur njohjen e kosovës. Ndaj, vecanërisht partive në pushtet, u intereson evitimi i kësaj teme.