Sekretarja e Përgjithshme e ministrisë së Shëndetësisë, Joana Duro është arrestuar me urdhër të Prokurorisë së Posaccme. Duro dyshohet për korrupsion në lidhje me një tender. Në pranga është vënë edhe një tjetër punonjëse e ministrisë së Shëndetetësisë, Laureta Sheto. Prokuroria e Posaçme ka reaguar për arrestimin e sekretares së Përgjithshme të ministrisë së Shëndetësisë, Joana Duro, duke thënë se është një operacion në zhvillim. “Është një operacion në zhvillim e sipër. Është arrestuar në flagrancë Sekretarja e Përgjithshme e Ministrisë së Shëndetësisë për veprën penale të korrupsionit. Nuk mund të jepen më shumë detaje për momentin”, thotë SPAK. Mbi ngjarjen reagoi pak më parë edhe kryeministri Edi Rama, i cili në turin e tij të falënderimeve në Tiranë, u shpreh se është e tmerrshme mungesa e sensit të etikës dhe rënia në këtë nivel.