Qeveria koreano-veriore ka urdhëruar sekuestrimin e qenve dhe therjen e tyre. Kim Jong-Un e quan mbajtjen e qenëve si kafshë shtëpiake si prirje e degjeneruar borgjeze, por shkak kryesor I kësaj lëvizjeje duket se është mungesa e ushqimeve, sidomos mishit. Sipas mediave koreanojugore, lideri I vendit fqinj ka urdhëruar pronarët e kafshëve shtëpiake që t'i dorëzojnë ato për t'i therur, për të përballuar kështu urinë masive në radhët e popullsisë. Në Korenë e Veriut thuhet se ka një pakënaqësi në rritje të popullsisë për shkak të situatës së vështirë ekonomike në vend dhe mungesës së ushqimit. "Njerëzit e thjeshtë në Korenë e Veriut mbajnë sidomos derra dhe kafshë të tjera të dobishme, por zyrtarët e lartë të qeverisë dhe të pasurit mbajnë kafshë shtëpiake si qen apo mace. Kjo gjithashtu ka shkaktuar pakënaqësi", i tha një burim gazetës koreano-jugore Qosum Ilbo.Punonjës të inspektorateve koreano-jugore kanë nisur identifikimin e familjeve që mbajnë qen dhe u kërkojnë atyre t'i dorëzojnë kafshët e tyre në thertore dhe kombinate për prodhimin e mishit. Nëse nuk e bëjnë këtë vullnetarisht, atëhere atyre u sekuestrohen qentë me forcë dhe u dorëzohen kopshteve zoologjike ose restoranteve..