Top News- Kordoni me Yllin e Mirënjohjes Publike/ Rama flet me shifrat e shpërblimeve të sportistëve

Në harkun kohor të vetëm pak ditëve zyra e kryeministrit Edi Rama ka pasur për kryefjalë sportin dhe mysafirë kampionët. E para ishte Luiza Gega, ndërsa këtë të shtunë ceremonia u rezervua për Florian Markun, që u nderua nga kryeministri Edi Rama me Kordonin e madh me Yll të Mirënjohjes Publike. Në fakt rastësia e deshi që ne të mblidhemi në një kohë të shkurtër dy herë për të celebruar suksesin në sport mes një kampioneje të Europës, Luiza Gegës dhe një kampioni si Floriani, i cili po vazhdon ta ngjisë drejt majës flamurin tonë kombëtar. Ndërkohë që suksesi i Florjanit është një sukses që bën lajm, dhe lajmi i mirë është që suksesi i Florjanit është kuq e Zi. Unë jam shumë krenar që ky është viti ku ne do t’i japim një shtysë të re lëvizjes sportive duke angazhuar, sot që flasim, mbi 650 skuadra volejbolli, basketbolli, meshkuj e femra në sistemin tonë arsimor të regjistruara për të hyrë në kalendarin e parë të aktivitetit sportiv të organizuar. Vetë boksieri Florian Marku tregoi detajet e jetës së tij, për të arritur deri në këtë moment, të cilin e konsideron një ëndërr të bërë realitet.