Kongresi amerikan certifikoi fitoren e Donald Trump. Katër vjet pas trazirave të Kapitol, Trump rikthet në krye të Shtëpisë së Bardhë, për të marrë drejtimin e vendit, ndërsa demokratët liruan pushtetin në mënyrë paqësore. Kamala Harris njëherësh rivale e Trum në garën Presidenciale, konfirmoi fitoren e republikanit. “Gjendja e votës për presidentin e Shteteve të Bashkuara, siç i është dorëzuar presidentit të Senatit, është si vijon: numri i plotë i zgjedhësve të caktuar për të votuar për presidentin e Shteteve të Bashkuara është 538. Brenda këtij numri të plotë, shumica është 270. Votat për president të Shteteve të Bashkuara janë si më poshtë: Donald J Trump i shtetit të Floridës ka marrë 312 vota”, tha Harris. Pas shpalljes së firores, në sallë pati duartrokitje në radhët e republikanëve. Ndërsa Harris tha se ajo vetë mundi të merrte 226 vota.