Mosdekretimi nga presidenti Ilir Meta i Kodit të Ri Zgjedhor dhe dërgimi në Venecia, pas një kërkese të opozitës së bashkuar nuk e ka ndalur Kuvendin të nisë diskutimet për këtë cështje. Këtë të martë Komisioni i Ligjeve ka nisur diskutimet për kodin e ri zgjedhor, për të cilin Rama tha se do ta miratojmë, duke mos humbur asnjë ditë kohë. Ndonëse Bashkimit Europian i tha të presë opininion e Komisionit të Venecias, Kuvendi i Shqipërisë nuk ka humbur kohë për të votuar ndryshimet në Kodin Zgjedhor pas kthimit në Kuvend nga Presidenti i Republikës. Kodi Zgjedhor është futur në diskutimet e rendit të ditës së sotme të Komisionit për Çështjet Ligjore, Administratën Publike dhe të Drejtat e Njeriut, në orën 12:00. Mazhoranca nuk pritet të bëjë asnjë ndryshim në Kodin Zgjedhor, duke e kaluar menjëherë për votim në seancën plenare të radhës. Më herët komisioneri europian Oliver Vahelyi i kërkoi kryeministrit Rama që të priste vendimin e Komisionit të Venecias për të miratuar ndryshimet, një thirrje që u refuzua nga kreu i qeverisë.