Seanca e fundit e këtij sesioni të Kuvendit nisi me pasqyrimin e pjesshëm të klimës së dakordësisë e dialogut mes mazhorancës dhe opozitës. Opozita bashkoi votat me mazhorancën për tre projektligje bashkëpunimi ndërkombëtar, ligjin për vreshtarinë dhe për dy vendimet për ngritjen e nënkomisionit të auditimit të sektorit publik dhe të zgjatjes së afatit të komisionit hetimor për koncesionet në shëndetësi. Por, demokratët nuk votuan rezolutat e Kuvendit për organet e drejtësisë, Bankën e Shqipërisë dhe institucionet e tjera të pavarura. Mes rezolutave mungonte ajo adresuar Kontrollit të Lartë të Shtetit. Arsyeja është se kreu i KLSH-së nuk ka prezantuar raportin para Kuvendit. Kjo dhe precedenti vendosur nga Komisioni i Ekonomisë me thirrjen në seancë dëgjimore të drejtores së borxhit publik në Ministrinë e Financave, Mimoza Dhëmbi.