Vetëm 2.700 persona jetojnë në Oseçinën qendrore, një qytet i vogël në Serbinë perëndimore. Ky qytet ka vetëm dy kryqëzime. Por në pesë vitet e fundit, bashkë me rajonin më të gjerë me rreth 10 mijë banorë, që e administron atë, janë instaluar kamera sigurie të prodhimit kinez. Qeveritë lokale kanë blerë dhe vendosur kamera kineze në qytete dhe fshatrat e tjera serbe, në emër të sigurisë. Sipas zyrtarëve, prezenca e tyre do të pakësojë shkeljet e rregullave të trafikut, do të zvogëlojë krimin dhe do ta bëjë më të lehtë kapjen e kriminelëve. Por, shkalla e përhapjes së sistemit të mbikëqyrjes, si për shembull në Oseçinë, ku ka një kamera për çdo 100 banorë, së bashku me çështjen ligjore të vendosjes së teknologjisë së njohjes së fytyrës, që është një proces prokurimi jotransparent dhe me informacion të kufizuar nga autoritetet serbe për mënyrën se si sistemet janë të rregulluara, rrit shqetësime serioze për atë se çfarë do të thotë për të ardhmen e Serbisë shtimi i kamerave në të gjithë vendin. Një ivestigim i radios Evropa e Lirë, i mekanizmave të prokurimit në më shumë se 40 qytete e komuna të serbisë, tregoi se bëhej fjalë për një proces të ndërlikuar të lidhur me përhapjen e vendosjes së kamerave, që është bërë me pak informacion publik ose konsultim me qytetarët.