Kina ka ndaluar një luftanije gjermane që ishte në një mision drejt detit të kontestuar të Kinës së jugut, që të hynte në një gji. Lajmi u konfirmua nga një zëdhënës i ministrisë së jashtme gjermane. Anija në fjalë është fregata Bayern por gjiri kinez në të cilin ajo do të hynte nuk është bërë i ditur. Anija u nis në lundrim nga gjermania, muajin e shkuar, për një mision gjashtë mujor në detin e kinës së jugut. “Kina ka vendosur se nuk do që ajo të ndalet në gji dhe na njoftoi për këtë”, tha zëdhënësi gjerman. Një zëdhënës i ministrisë së jashtme kineze, i pyetur për incidentin, tha se Kina shpresonte që vendet jashtë rajonit të luajnë një rol konstruktiv dhe të respektojnë përpjekjet e vendeve të rajonit për të ruajtur paqen dhe stabilitetin. Kina pretendon se thuajse i gjithë deti i Kinës së jugut i përket asaj dhe ka vendosur pika ushtarake në ishuj artificialë në ujërat që përmbajnë fusha gazi dhe që janë të pasur me peshk. Pretendimet e kinës kundërshtohen nga fqinjët e saj, përfshirë Filipinet, Vietnamin, Malajzinë dhe Brunein. SHBA dhe vende të tjera po ashtu kanë thënë se nuk pranojnë shtrirjen e pretendimeve të kinës në detin e kinës së jugut. Edhe berlini ka bërë të ditur se misioni i fregatës Bayern, shërben për të nënvizuar faktins e gjermania nuk i pranon pretendimet e kinës, edhe pse zyrtarët kanë thënë se marina gjermane do të ndjekë trajektoret e zakonshme të lundrimit.