Koreja e Veriut ka inauguruar një anije të re luftarake që pretendon se është një destrojer i armatosur me "armët më të fuqishme", në një ceremoni inaugurimi të ndjekur nga udhëheqësi Kim Jong Un, thanë mediat shtetërore të shtunën. Njoftimi vjen rreth një muaj pasi Kim mbikëqyri testimin e dronëve të rinj kamikazë dhe zbulues me teknologjinë e inteligjencës artificiale, duke shtuar shqetësimet mbi bashkëpunimin ushtarak në thellim të Koresë së Veriut me Moskën. Anija luftarake, e quajtur "Choe Hyon" sipas një luftëtari anti-japonez të Koresë së Veriut, është një anije shkatërruese 5,000 tonëshe që mori më shumë se një vit kohë për t'u ndërtuar, sipas Agjencisë Qendrore Koreane të Lajmeve të Phenianit. Duke pasur parasysh madhësinë e saj, ekspertët besojnë se anija mund të mbajë raketa det-tokë dhe det-ajër, me agjencinë NK Neës që raporton se "ka të ngjarë të jetë e pajisur me raketa bërthamore taktike me rreze të shkurtër veprimi".