Gjykata e Vlorës ka caktuar masën e sigurisë “arrest me burg” për Emanuel Shkëmbin, i cili tre ditë më parë kërcënoi me armë zjarri dy punonjësit e tij nënë e bijë në një hotel në Borsh, pas një konflikti banal. Menjëherë pas vendimit, Shkëmbi u transferua në burgun e Fierit. Hetimet tregojnë se arma përdorur ishte pa leje, dhe ndaj tij pritet të ngrihen akuza shtesë për armëmbajtje pa leje. Falë ndërhyrjes së policisë, situata u parandalua të përshkallëzohej më tej. Ndërkohë pas hetimeve pritet të zbardhen motivet dhe rrethanat e sakta të ngjarjes. Sipas dinamikës së ngjarjes, pasi është konfliktuar me punonjëset, pronari i hotelit ka nxjerrë armën dhe i ka kërcënuar. Për këtë ngjarje nën hetim edhe babai i pronarit, i cili akuzohet se ka ushtruar dhunë fizike ndaj njërës prej punonjëseve, si dhe një tjetër person, i cili akuzohet se ka fshehur armën e zjarrit pas konfliktit.