Eduard Afmataj, autori i dyshuar i vrasjes së 48-vjeçarit Artur Çangu në Nikël, ngjarje e ndodhur të premten, ka dëshmuar para grupit hetimor duke treguar dinamikën e krimit. Sipas burimeve, mësohet se Eduart Afmataj deklaroi se gjithçka ndodhi pas një konflikti verbal, ku sipas autorit, Artur Cangu e goditi me një kosë të vogël në krah. Kjo gjë bëru që Afmataj të merrte çiften dhe të qëllonte për vdekje 48-vjeçarin duke e lënë të vdekur. Afmataj tregoi se ishte vetë ai që kishte njoftuar policinë, por pavarësisht kësaj zgjodhi të largohej. Afmataj u arrestua pa u mbushur 24 orë nga ngjarja në vendin e quajtur Bruz Mal në Malësi Krujë ndërsa ishte fshehur në këtë zonë të thellë. Në momentin e ndalimit Afmataj nuk bëri rezistencë ndaj forcave të Policisë ndërsa arma e krimit ende nuk është gjetur. Sipas grupit hetimor, dyshohet se mes autorit dhe viktimës prej disa kohësh kishte një konflikt për një pronë.