Ishte në mision në kosovë dhe ndërsa po patrullonte ka takuar një vazjë 4 vjecare, të prekur nga diabeti i tipit 1. Nuk ka menduar dy herë: ka blerë menjëherë insulinën dhe një aparat për të matur diabetin. Më pas, kur është kthyer në itali, ka kontaktuar me mjekët e spitalit Umberto i I në Romë, në mënyrë që të mund të studiohej më thellë rasti dhe të përcaktohej një terapi e përshtatshme. Tani vogëlushja, pas një ndërhyrjeje të vogël, është mirë. Kjo është historia e një karabinieri të ri italian, Fabio Cervellieri, që i mbështetur edhe nga i gjithë regjimenti i tij, ka shpëtuar kështu një jetë të re. Vajza ka mbërritur në itali e shoqëruar nga e ëma dhe gjithcka ishte e paguar; që nga ilacet, udhëtimi dhe kurimi, falë një mbledhjeje fondesh të organizuar nga vetë Fabio dhe kolegët e tij. Historinë e kanë treguar më pas karabinierët në faqen e tyre në Facebook. I gjithë regjimenti e ka patur shumë për zemër këtë rast, duke mbledhur fondet e nevojshme për udhëtimin ardhje dhe kthim Prishtinë-Romë. Vajza mbërriti në romë më 13 nëntor- shkruanin ata. Karabinierët kanë premtuar ndërkohë që do të vazhdojnë ti qëndrojnë pranë vogëlueshes për tu siguruar që të mbetet në shëndet të mirë.