Policia e Shtetit ka finalizuar operacionin e koduar “Rrethi”, pas marrjes së informacioneve se një shtetas do të transportonte armë zjarri nga Shkodra drejt Rinasit, me qëllim shitjen e tyre. Policia ka mundur të arrestojë Kreshnik Burrjan në afërsi të Rinasit. Burrja, banues në Shkodër gjatë kontrollit fizik, shërbimet e Policisë i gjetën 45-vjeçarit, 2 armë zjarri pistoleta, të cilat u sekuestruan në cilësinë e provës materiale. Policia e Shkodrës pas arrestimit të 45-vjeçarit ushtruan kontroll në banesën e tij, në Shkodër, dhe gjatë kontrollit u gjetën dhe sekuestruan 1 armë zjarri shotgan me municion luftarak, pistoletë pneumatike me ajër, doza kokaine, sasi kanabisi, fara të dyshuara narkotike kanabis, përforcues grushti dhe mjete prerëse thika. Nga verifikimet e kryera dyshohet se 45-vjeçari i arrestuar i ka siguruar armët e zjarrit, me qëllim shitjen e tyre. Sakaq, materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.