Një tjetër sasi droge është kapur nga policia e Tiranës në një kontenier bananesh në kryqtyet. Policia ka bërë me dije detajet e para ndërsa thuhet se sasi e drogës është kapur brenda magazinës së një kompanie frutash. Më pas bëhet me dije se magazina ndodhet në zonën e Vaqarrit në Tiranë. Aksioni policor është ndërmarrë nga sektori i narkotikëve pranë Policisë së Shtetit dhe nga SPAK, ndërsa ende nuk është bërë me dije sasia e saktë e kokainës, por deri me tani thuhet se janë mbi 300 kilogramë drogë. Nga burimet polciore mësohet se disa persona janë shoqëruar në komisariat, ndërsa po merren në pyetje lidhur me këtë cështje. Prej 3 ditësh, kontenieri me drogë I cili vinte nga Ekuadori ka qëndruar në port. Sasia e kokainës është sekuestruar teksa shkarkoheshin bananet në magazinë dhe bëhet fjalë për dorëzim të kontrolluar. Operacioni policor vijon ende, ndërsa priten detaje të tjera nga policia lidhur me personat e përfshirë në këtë veprimtari kriminale, masat që do merren si dhe për përcaktimin e saktë të sasisë së drogës.