Një sasi rekord kokaine prej 10 tonësh u sekuestrua në det nga autoritetet spanjolle këtë të hënë. Droga po transportohej me një anije malrash ndërsa u kap pranë ishujve Kanarie me ndihmën dhe të policisë britanike. Ngarkesa sipas policisë spanjolle, është më e madhja e kapur ndonjëherë, ndërsa kokaina ishte fshehu brenda një dërgese me kripë për tëo s u diktuar. Kokaina ishte e mbështjellë në pako me natriban, ndërsa mësohet se anija e kishte filluar udhëtimin e saj në Turqi, ishte ngarkuar me drogë në Brazil dhe po shkonte drejt Spanjës. Një pjesë e ngarkesës së paligjshme thuhet se ishte e destinuar për në Huelva në Spanjën jugperëndimore kontinentale, ndërsa një pjesë tjetër për në Ishujt Kanarie. Disa persona nga India, turqia e Serbia u nbdaluan. Ndërkohë hetuesit thanë se kokaina ishte porositur nga një grup I fuqishëm kriminal serb që synonte ta shiste më pas drogën në europë. Hetuesit thanë se kokaina ishte ndarë në 294 pako të ndara. Ngarkesa u zbulua pas përgjimeve të kryera nga ana e agjentëve tëcilët ishin në dijeni të kësaj veprimtarie kriminale.