Më shumë se 100 bebe kallamarë dhe 5 mijë gjallesa mikroskopike do të dërgohen në stacionin hapësinor ndërkombëtar. Krijesat, bashkë me disa pajisje të tjera për eksperimentet, do të dërgohen në stacion në bordin e një raketa Falcon 9 të Space X. Shpresohet që eksperimentet do të ndihmojnë shkencëtarët të kuptojnë pasojat e fluturimit në hapësirë. 128 kallamarët bebe do të përdoren si pjesë e një kërkimi për pasojat e fluturimit hapësinor në ndërveprimet mes mikrobeve dhe kafshëve. Nasa thotë se eksperimenti mund të mbështesë zhvillimin e masave mbrojtëse për të mbrojtur shëndetin e astronautëve gjatë misioneve të gjata në hapësirë. “Kafshët, përfshirë njerëzit, varen tek mikrobet tona për të qëndruar të shëndetshëm. Ne nuk e kuptojmë plotësisht se si fluturimet në hapësirë ndikojnë tek këto ndërveprime – tha Jamie Foster, drejtuese e eksperimentit. Ajo shtoi se kallamarët do të jenë në gjendje të ofrojnë të dhëna të rëndësishme në këtë drejtim. Ata do të ngrihen para se të kthehen në tokë.