Jordania i ka kërkuar Rusisë që të ndalojë rekrutimin e qytetarëve të saj në Forcat e Armatosura Ruse. Kërkesa vjen pas lajmit se dy jordaznezë u vranë në sheshbetejë. Në një komunikatë të enjten, Ministria e Jashtme e Jordanisë e quajti rekrutimin “shkelje të ligjit jordanez dhe ligjit ndërkombëtar”, duke thënë se kështu ajo “po i vë qytetarët përballë rrezikut të vërtetë”. Zëdhënësi i Ministrisë, Fuad al-Majali, u bëri thirrje jordanezëve “të raportojnë çdo përpjekje për t’i rekrutuar ata në ushtrinë ruse” dhe i paralajmëroi ata se përballen me rreziqe ligjore dhe me vdekje. Ende nuk dihet numri i jordanezëve të rekrutuar në ushtrinë e Putinit, ndërsa sipsa mediave të huaja një numër i madh i tyre jeton në territorin rus. Po ashtu në radhët e trupave ruse janë shumë shtetas nga vendet e Lindjes së Mesme por dhe Afrikës, veç ushtarëve të dërguar nga Koreja e Veriut në fushë betejë. Po ashtu raportohet se rreth 2 miëj trupa siriane janë dërguar në Rusi për të luftuar.