Mbretëria e Bashkuar ka arritur “një pikë kthese të rrezikshme” deklaroi kryeministri Boris Johnson teksa paraqiti një sërë kufizimesh të reja kundër koronavirusit në vend, tw cilat mund të zgjasin deri në gjashtë muaj. Me rregullat e reja, punonjësit e dyqaneve do të duhet të mbajnwn maska e dasmat do të kufizohen në një maksimum prej 15 njerëzish. Gjobat për moszbatimin e ligjeve për tubime dhe maska do të jenë 200 paundw për shkeljen e parë. Johnson paralajmëroi se mund të ketë edhe “kufizime dukshëm më të mëdha” nëse do tw jetw e nevojshme. Ai tha se pas takimit tw zhvilluar me liderwt e Skocisë, Uellsit dhe Irlandës Veriore, “hapa të ngjashëm” do të merren në të gjithë Mbretërinë e Bashkuar. “E kemi ditur gjithmonë se, edhe pse mund ta kemi shtyrë virusin të tërhiqet, por perspektiva e një vale të dytë është reale”, u shpreh Johnson. Ai sqaroi megjithatw ky nuk është "në asnjë mënyrë kthim në izolimin e plotë të marsit". Bizneset, shkollat, kolegjet dhe universitetet do të mbeten të hapura. Sipas të dhënave të Universitetit Johns Hopkins, Mbretëria e Bashkuar ka regjistruar në total mbi 401,000 raste të të infektuarve me koronavirus dhe mbi 41,000 viktima. Numri i rasteve të reja ka qenë në rritje në javët e fundit, ashtu si edhe gjetkë në Europë.