Rusia dhe aleatët e saj në Azi duhet të shtojnë stërvitjet e përbashkëta ushtarake pasi përballen me një kërcënim të drejtpërdrejtë nga përpjekjet e Shteteve të Bashkuara të amerikës për të zgjeruar ndikimin e saj të sigurisë në rajon, tha të premten ministri rus i Mbrojtjes Sergei Shoigu. Ai foli në një takim të Organizatës së Bashkëpunimit të Shangait (SCO), një grup sigurie që përfshin Rusinë, Indinë, Kinën, Iranin, Pakistanin, Kazakistanin, Uzbekistanin, Kirgistanin dhe Taxhikistanin. "Unë besoj se të gjithë të pranishmit ndajnë mendimin se vendosja e infrastrukturës ushtarake në rajon nga Shtetet e Bashkuara dhe aleatët e saj është e papranueshme," tha Shoigu. “Synime të tilla duhet të konsiderohen si një kërcënim i drejtpërdrejtë për stabilitetin në hapësirën e organizatës sonë. Shtetet anëtare duhet të zgjerojnë fushën dhe gjeografinë e stërvitjeve të tyre ushtarake”, tha ai në takimin e mbajtur në kryeqytetin e kazakistanit, Astana. Fjalimi i tij theksoi synimin e Rusisë për të forcuar lidhjet ushtarake me partnerët në Azi dhe për t'i rezistuar çdo erozioni të ndikimit të saj atje, pavarësisht ngarkesës së ushtrisë ruse si pasojë e luftës që zgjat prej dy vitesh në Ukrainë.