Udhëheqësit botërorë apeluan për qetësi të premten pas sulmeve të Izraelit në drejtim të Iranit. Izraeli kishte paralajmëruar se do të kundërpërgjigjet pasi Irani gjuajti qindra raketa dhe dronë në drejtim të tij pothuajse një javë më pare. Sulme që erdhi si shenjë hakmarrjeje për shpërthimin në konsullatën iraniane në Damask, për të cilën Teherani fajësoi Tel Avivin. Menjëherë pas kësaj ngjarjeje, ushtria izraelite u kundërpërgjigj duke rindezur edhe njëherë akoma më shumë tensionet në Lindjen e Mesme. Një zyrtar izraelit tha për The Washington Post se "goditja" ishte hakmarrje për breshërinë e droneve dhe raketave të Iranit dhe se ishte një mesazh për të treguar forcën. Por tre zyrtarë iranianë i thanë Neë York Times se dronët e vegjël kryen "sulmin", mendohet se janë ngritur brenda territorit Iranian pasi sistemet e radarit nuk kishin zbuluar teksa hynin në hapësirën ajrore iraniane. "Raportet tregojnë se nuk ka pasur dëme të mëdha apo shpërthime të mëdha të shkaktuara nga ndikimi i ndonjë kërcënimi ajror," tha agjencia zyrtare e lajmeve IRNA.