Avionët luftarakë izraelitë shënjestruan këtë të premte rebleët Huthi në Jemen. Ofensiva nga ajri erdhi si kundërpërgjigje ndaj sulmeve me dronë dhe raketa të ndërmarra nga ana e rebelëve. Ushtria izraelite paralajmëroi gjithashtu se do të eliminoje të gjithë udhëheqësit e grupit militant që mbështetet nga Irani. Ushtria izraelite sqaroi gjithashtu se shënjestroi caqe ushtarake të rebelëve Huthi në zonën bregdetare dhe në pjesë të tjetra të Jemenit. Kryeministri izraelit, Benjamin Netanyahu, tha përmes një deklarate se rebelët jemenas u ndëshkuan për sulmet e tyre të vazhdueshme ndaj shtetit të tij. “Siç kemi premtuar, rebelët Huthi po paguajnë dhe ata do të vazhdojnë të paguajnë çmim të lartë për agresionin kundër nesh”, tha ai, duke u zotuar se nuk do të tolerojë sulme ndaj Izraelit. Që nga nisja e luftës në Gaza, rebelët Huthi kanë gjuajtur raketa drejt Izraelit, ndërsa kanë sulmuar dhe anijet tregtare në detin e Kuq.