Nga 5 Maji qytetarët e Kosovës nuk kanë më nevojë për vizë për të hyrë në Izrael për qëllime turistike, për sa kohë që kanë një pasaportë të vlefshme të Kosovës dhe aplikojnë paraprakisht për ETA-IL. Kjo, si rezultat i marrëveshjes për heqjen e vizave të nënshkruar midis dy vendeve më 18 qershor 2024, e cila u ratifikua më 5 shkurt 2025 dhe hyri në fuqi më 5 maj 2025. Çdo qytetar i Kosovës, duhet të marrin një Autorizim Elektronik Udhëtimi (ETA-IL) përpara se të hyjnë në Izrael. Ky autorizim është i vlefshëm për qëndrime deri në 90 ditë dhe ka një kosto prej 25 shekelësh izraelite (mbi 7 euro). Për të aplikuar për ETA-IL, ju mund të vizitoni faqen zyrtare të qeverisë izraelite: Procesi është i thjeshtë dhe zakonisht merr më pak se 72 orë për të marrë miratimin. Procesi i marrjes së autorizimit elektronik vlerësohet si i shpejtë dhe i lehtë, për sa kohë aplikanti i përmbush kushtet bazë të përcaktuara nga autoritetet izraelite. Ky zhvillim përfaqëson një hap tjetër në forcimin e marrëdhënieve bilaterale mes Izraelit dhe Kosovës, që nga vendosja e marrëdhënieve diplomatike në vitin 2021.