Tani në Amazon.com mund të gjendet dhe insuline e inhalatorë. Kolosi I shitjeve në internet hapi një farmaci online e cila I lejon klientet e tij te porosisin ilace pa qenë nevoja të dalin nga shtëpia. Pakoja u mbërriten në derë pas dy ditësh, thotë Associated Press. Ndikimi që mund të ketë hyrja e Amazon në hapësirën farmaceutike, e trazoi menjëherë këtë sektor. Aksionet e CVS Health Corp., Walgreens dhe Rite Aid ranë ndjeshëm gjatë ditës. Zinxhirët e mëdhenj mbështeten tek farmacitë e tyre për një qarkullim të qëndrueshëm blerësish të cilët mund të marrin aty edhe produkte kozmetike apo shampo. Të gjithë I kanë shtuar shërbimet në internet dhe kanë promovuar aftësitë e tyre për të dhënë medikamente me recete apo mallra të tjerë në kohën kur pandemia e COVID-19 po detyron shumë konsumatorë të qëndrojnë brenda. Por Amazon i kapërcen të gjitha këto dhe dyqani I saj është pafundësisht më i madh, me miliona blerës besnikë që I referohen kesaj kompanie kur duan të marrin libra, veshje apo cdo gjë tjetër. Sipas analistëve të tregut, kjo ndërhyrje e Amazon krijon një tronditje te sistemit dhe një kërcënim në raport me konkurencën, sepse ka të ngjarë ta largojë vëmendjen nga kanalet e shitjes me pakicë. Firma, kujtojne ata, ka një histori të gjatë përcarjeje, e që kur nisi në 1995-sën si dyqan librash online, detyroi dhe librashitës të tjerë të ndiqnin të njëjtën rrugë.