Një shtetas Italian është vënë nën hetim nga Policia e Durrësit, për posedim të lëndëve narkotike. Në fakt Blutë e qytetit bregdetar, arrestuan shoferin e një makine, pasi në automjetin e tij u gjet një sasi lëndë narkotike, ndërsa shtetasi Italian me inicialet M.R., u procedua në gjendje të lirë. “Specialistët për Hetimin e Trafiqeve të Paligjshme dhe Narkotikëve, në vijim të punës për goditjen e veprimtarive kriminale në fushën e narkotikëve, bazuar dhe në informacionet e siguruara përmes inteligjencës informative, arrestuan në flagrancë shtetasin A. K., 37 vjeç, banues në Durrës. Gjithashtu, u referuan materialet në Prokurori dhe nisi procedimi në gjendje të lirë për shtetasin shtetasin italian M. R., 30 vjeç”, njofton policia ndër të tjera.