Autoritetet italiane të shëndetësisë vijojnë të kryejnë një numër të lartë testimesh ndaj koronavirusit gjatë 24 orëve, nga ku rezultuan pozitiv me koronavirus 11.252 persona dhe janë regjistruar 237 viktima. Ashtu si numri i infektimeve edhe ai I viktimave viher re qe ka pësuar një rënie te ndjeshme krahasuar me njedite me pare, me shkallën e pozitivitetit të rritur në 5,2 përqind. Po ashtu pozitiv është lajmi që deri tani, në Itali janë konfirmuar mbi 2 milionë persona, të cilët e kanë fituar betejën me koronavirusin. Sakaq vaksinimi kundër COVID-19 në Itali ka nisur më datë 27 dhjetor, me Pfizer e me pas BE-ja ka lidhur kontrata për furnizimin me vaksina edhe me kompaninë farmaceutike Moderna. Megjithatë të dyja kompanitë kryesore, të cilat furnizojnë BE-në me vaksina kanë probleme në prodhim dhe si pasojë kanë vonuar shpërndarjen e tyre në vendet anëtare. Ditët e fundit kryeministri i vendit, Giuseppe Conte përmes një positmi postimi në rrjetin e tij social Facebook është shprehur i revoltuar lidhur me vonesën e shpërndarjes së dozave të vaksinave anti-COVID, Pfizer dhe AstraZeneca, duke theksuar se një gjë e tillë është e papranueshme. Italia është një ndër vendet më të prekura të BE-së nga pandemia dhe pasojat e saj socio-ekonomike në vend janë më të ndjeshme.