Një operacion kërkimi për pacientin zero të koronavirusit i ka cuar zyrtarët e OBSH-së drejt një gruaje misterioze italiane, kampioni i lëkurës së të cilës ka treguar se ajo e kishte virusin disa javë para shpërthimit në Vuhan. 25 vjecarja ishte paraqitur në një spital në Milano me dhimbje fyti dhe lëndime në lëkurë që në nëntor të 2019-ës, një muaj para se rasti i parë i covidit të raportohej në kinë. Një kërkim i botuar në janar gjeti se një kampion i vogël lëkure nga gruaja mbante gjurmë të virusit kur u testua më shumë se gjashtë muaj më vonë. Anëtarët e një ekipi të udhëhequr nga OBSH thanë se rasti i 25 vjecares tregon se virusi qarkullonte para shpërthimit të parë në tregun e Vuhanit në dhjetor 2019 dhe sugjerojnë se studime të mëtejshme do të ndihmonin të përcaktohej koha e saktë. Problemi është se identiteti i gruas mbetet i panjohur. Spitali poliklinik në Milano dhe universiteti i Milanos, që mbikqyrën rastin e saj, thonë se nuk i kanë detajet pasi dermatologu Raffaele Gianotti, që e trajtoi atë, vdiq në mars. Kërkuesit kanë rekomanduar se duhet kërkuar edhe në vende të tjera për raste të mundshme covidi që i paraprijnë rasteve të para në Vuhan. Ekspertët besojnë se ekzaminimi i rasteve të hershme do ti ndihmonte të krijonin një hartë të përhapjes së virusit. Për këtë qëllim, ata i kanë kërkuar bankave të gjakut në shumë vende të testojnë kampionë nga fundi i 2019-ës për antitrupa ndaj virusit. Një numër studimesh kanë sugjeruar se disa persona kanë qenë të infektuar para se rastet e para të covidit të raportoheshin.