Demokratja, Kamala Harris, zgjodhi guvernatorin e Minesotas, Tim Ëalz, si kandidat për nënpresident. "Tim është lider i dëshmuar, i cili njihet për përmbushje të detyrave për familjet në Minesota. E di që do t’i ketë parimet e njëjta edhe në fushatë dhe në zyrë si nënpresident”, u shpreh Harris në rrjetet sociale e cila në zgjedhjet e nëntorit do të garojë përballë Donald Trump. Vetë Tim Walz evlerësoi këtë gjë ndërsa theksoi se kjo gjë I kujton ditën e parë të shkollës. “Le ta kryejmë këtë gjë, njerëz”., shkroi ai në platformën X. Walz, 60-vjeçar, veteran i Gardës Kombëtare Ushtarake dhe ish-mësues, më 2006 u zgjodh nga një zonë me prirje republikane për t'u bërë anëtar i Dhomës së Përfaqësuesve të Kongresit amerikan, dhe shërbeu aty për 12 vjet, para se të fitonte pozitën e guvernatorit të Minesotas, më 2018. Si guvernator, Walz ka çuar përpara një agjendë progresive që përfshin shujta falas në shkolla, synimet për luftim të ndryshimeve klimatike, ulje taksash për klasën e mesme dhe rritje të numrit të ditëve të pushimit për punëtorët e Minesotas, raporton BBC. Ai e ka ngritur zërin për të mbrojtur edhe të drejtat e grave për riprodhim, mirëpo ka treguar me raste edhe anën e tij konservatore, duke mbrojtur interesat bujqësore dhe të drejtën për armë.