Ish-deputeti i PD-së, Bardh Spahia deklaron se duhen marrë masa urgjente për të parandaluar një hemorragji mjekësh që do dobësonte ndjeshëm kapacitetet e sistemit tonë shëndetësor për t’i shërbyer pacientëve. Spahia shprehet se bazohet në të dhënat e forumit ndërkombëtar ekonomik të Vjenës, ku thuhet se pas pandemisë së COVID-19 mjekët do të largohen nga vendi drejt perëndimit. “772 mjekë janë larguar nga vendi ynë në periudhën 2012-2017, ndërsa shifrat e tre viteve të fundit, ende në proces matjeje janë më të larta. Duke pasur parasysh se në një vit diplomohen më pak se 200 mjekë në fakultetin e mjekësisë, shifra e të larguarve është e konsiderueshme. Nevojat e vendeve të zhvilluara për personel shëndetësor, pagesat dhe kushtet shumë më të mira të punës, do tërheqin interesin e mjekëve tanë”, shprehet Spahia. Ish-deputeti I PD thekson se duhet një strategji për ta parandaluar këtë hemoragji të mjekëve duke e mbyllur me premtimin se kur të vijë PD-ja në pushtet rrogat e mjekëve do nisin nga 1200 euro, ndërsa ato të infermierëve nga 700 euro